توازن برقرار رکھنے کی دشواریاں

بہت سے حالات آپ کے لیے اپنا توازن برقرار رکھنے، چکر آنے یا پوزیشن بدلنے میں پریشانی کا باعث بن سکتے ہیں۔ اس کی وجوہات درج ذیل ہو سکتی ہیں:

• فالج
• دل کا دورہ
• ہارٹ فیل ہونا
• لانگ کوویڈ (طویل کوویڈ)
• سانس کے مسائل

ان کے علاوہ کچھ دیگر حالات بھی آپ کے توازن میں مسائل پیدا کر سکتے ہیں – مثال کے طور پر، کم بلڈ پریشر یا بلڈ شوگر، آپ کے کانوں کے مسائل یا آپ کے اعصابی نظام میں موجود کسی قسم کے مسائل۔

توازن کی حالتیں کون سی ہوتی ہیں.

آپ کا توازن درج ذیل سے متاثر ہو سکتا ہے:

• آپ کی بصارت میں تبدیلیاں
• آپ کے اندرونی کان کو نقصان
• دماغ کے اس حصے کو پہنچنے والا نقصان جو توازن اور پوزیشن کو کنٹرول کرتا ہے
• کم بلڈ پریشر یا گردش خون کے مسائل
• خون میں کافی مقدار میں آکسیجن کا موجود نہ ہونا (جو دل یا سانس لینے میں دشواری کی وجہ سے ہو سکتا ہے)

اس کی وجہ سے درج ذیل مسائل پیدا ہو سکتے ہیں:

• چکر آنا
• نظر دھندلانا
• بیہوش ہونا یا محسوس کرنا
• قے اور متلی
• چکر آنا (ایک احساس کہ دنیا آپ کے گرد گھوم رہی ہے)
• گرنا یا لڑکھڑانا
• الجھن یا بدگمانی
• کھڑے ہونے، چلنے پھرنے یا کچھ ورزشیں کرنے میں پریشانی

اکثر بیٹھنے یا لیٹنے سے توازن کے مسائل کو بہتر کیا جا سکتا ہے۔ وہ وقت کے ساتھ بہتر بھی ہو سکتے ہیں، کیونکہ آپ کا جسم ایک نئی پوزیشن میں ایڈجسٹ ہو جاتا ہے۔

ناقص توازن چلنے، ورزش کرنے اور روزمرہ کے بعض کاموں میں مسائل پیدا کر سکتا ہے۔ اس سے آپ کے گرنے اور زخمی ہونے کا خطرہ بڑھ سکتا ہے۔ تاہم، آپ ایسی ورزشیں اور مہارتیں سیکھ سکتے ہیں جو آپ کو اپنا توازن برقرار رکھنے اور گرنے کے خطرے کو کم کرنے میں مدد دے سکتی ہیں۔

آپ توازن کے مسائل کو کم کرنے کے لیے سرگرمیاں کرنے کے طریقے کو ایڈجسٹ کرنے کے قابل بھی ہو سکتے ہیں – مثال کے طور پر، کھڑے ہونے کے بجائے بیٹھ کر ورزش کرنا یا جب آپ فعال ہوں، تو تب مدد حاصل کرنا۔

PoTS (پوسچرل ٹیکی کارڈیا سنڈروم)

PoTS (پوسٹرل ٹیکی کارڈیا سنڈروم) ایک توازن اور پوسچر کی خرابی ہے جو اعصابی نظام کو درپیش مسائل کی وجہ سے پیدا ہوتی ہے۔ PoTS میں، آپ کے خون کی گردش خود کار اعصابی نظام (آپ کے اعصابی نظام کا وہ حصہ جو لاشعوری حرکت اور آپ کے جسم کے ماحول کو برقرار رکھنے کے لیے ذمہ دار ہے) کو پہنچنے والے نقصان سے متاثر ہوتی ہے، یعنی جب آپ کھڑے ہوتے ہیں یا پوزیشن تبدیل کرتے ہیں، تو آپ کے جسم کے نچلے حصے میں اچانک میں خون جمع ہو جاتا ہے۔

اس کا مطلب ہے کہ خون کو سر اور سینے میں واپس دھکیلنے کے لیے دل کو تیز دھڑکنا پڑتا ہے۔ اس کا یہ مطلب بھی ہو سکتا ہے کہ، ایک وقت کے لیے، آپ کا دماغ خون کا کافی بہاؤ برقرار رکھنے کے لیے جدوجہد کر رہا ہے۔

جب آپ اٹھتے ہیں یا تیزی سے بیٹھتے ہیں، تو اس دوران پیش آنے والی PoTS کی علامات میں درج ذیل شامل ہیں:

• چکر آنا
• نظر دھندلانا
• دل کی بہت تیز دھڑکن یا آپ کے سینے میں آپ کا دل “زور سے دھڑکنا”
• متلی یا قے
• بیہوش ہونا
• تھکاوٹ، تھکن، اور ورزش کی عدم برداشت

PoTS عام طور پر اعصابی اور امیونولوجیکل مسائل کی وجہ سے ہوتا ہے مثلاً ME/CFS, لانگ کوویڈ، لیوپس، فالج یا کوئی دماغی چوٹ۔ یہ خود بھی ہو سکتا ہے۔

آپ PoTS UK جو کہ ایک خیراتی ادارہ اور یہ PoTS کے شکار لوگوں کو معاونت اور مدد فراہم کرتا ہے، سے PoTS کے بارے میں مزید معلومات حاصل کر سکتے ہیں اور یہ کہ اس سے کیسے نمٹا جائے۔

توازن کے مسائل سے نمٹنا

اگر آپ کا بلڈ پریشر کم ہو، تو آپ اپنے توازن کے مسائل کو درج ذیل احتیاطی تدابیر کی مدد سے کم کر سکتے ہیں:

• اپنے نمک کی مقدار میں اضافہ کرنا (واضح رہے کہ اس سے آپ کے دل کے امراض کا خطرہ بڑھ سکتا ہے)
• کافی مقدار میں سیال پینا، ترجیحا پانی
• ایسی ورزشیں کرنا جو خون کے بہاؤ کو بہتر بناتی ہیں، مثلاً اپنی ٹانگوں کو کراس کرنا اور کھولنا یا اپنی مٹھیوں کو بھینچنا

ہائی بلڈ پریشر آپ کے توازن کو بھی متاثر کر سکتا ہے۔ اگر یہ صورت حال ہو، تو اگر ممکن ہو تو اپنے نمک کی مقدار کو کم کرنے کی کوشش کریں، باقاعدگی سے ورزش کریں اور بلڈ پریشر کو کم کرنے کے لیے آپ کو تجویز کردہ دوا (جیسے سٹیٹنز) ہدایات کے مطابق لیں۔

کسی پس پردہ مسئلے کی وجہ سے توازن کے مسائل، جیسے کہ فالج یا ہارٹ فیل ہونا، اکثر اس وقت بہتر ہو سکتے ہیں، جب وہ مسئلہ خود ٹھیک ہو جاتا ہے یا ٹھیک ہونا شروع ہو جاتا ہے۔

اگر آپ اپنے توازن کے مسائل کا براہ راست علاج نہیں کروا سکتے، تو پھر بھی درج ذیل ایسے اقدامات کیے جا سکتے ہیں جو آپ کے گرنے اور چکر آنے کے امکان کو کم کرنے کے لیے مفید ہو سکتے ہیں:

• یہ معلوم کرنے کے لیے کہ آیا ایسی ورزشیں ہیں جو آپ کو اپنا توازن بڑھانے میں مدد دے سکتی ہیں، کسی ماہر صحت سے بات کریں۔
• اگر آپ کو چکر آتے ہیں، تو سانس لینے پر توجہ دیں۔ آہستہ اور گہرائی سے سانس لیں، ہوا کو اپنی ناک کے ذریعے اندر اور اپنے منہ سے باہر نکالیں۔
• کچھ لوگوں کو معلوم ہوتا ہے کہ جب انہیں چکر آ رہے ہوں یا وہ اپنے توازن کے ساتھ جدوجہد کر رہے ہوں، تو انہیں ایک کمرے میں ایک خاص نقطہ منتخب کرنے اور اسے دیکھنے میں مدد مل سکتی ہے، یعنی صرف اسی نقطہ پر توجہ مرکوز کرنے سے۔ یہ آپ کے دماغ کو خود کو دوبارہ ترتیب دینے میں مدد دیتا ہے۔
• اپنے گردونواح سے بے ترتیب چیزوں کو دور کریں، خاص طور پر فرش سے۔ اس سے گرنے کا امکان کم ہو سکتا ہے۔
• جہاں ممکن ہو اندھیرے میں چلنے سے گریز کریں۔
• نچلی ایڑی والے جوتے یا باہر چلنے کے جوتے پہنیں۔
• کسی ایسے شخص کا پاس ہونا مددگار ثابت ہو سکتا ہے جس پر آپ بھروسہ کرتے ہوں، خاص طور پر جب آپ لمبے فاصلے تک چل رہے ہوں یا ورزش کر رہے ہوں – وہ شخص آپ کو جسمانی مدد فراہم کر سکتا ہے اور اگر آپ گرنے کے متعلق پریشان یا خوفزدہ ہوں، تو یہ آپ کے لیے ایک بہترین جذباتی سہارا بھی ہو سکتا ہے۔
• جتنی جلدی ہو سکے کھڑے ہو جائیں اور جہاں ممکن ہو قریبی سطحوں، جیسے کرسی کے بازو یا میز یا ٹیبل ٹاپ کی مدد سے اپنے جسم کو سہارا دیں۔
• روشنی میں تیز رفتار تبدیلیوں سے بچنے کی کوشش کریں، جیسے کہ بہت تاریک کمرے سے یکدم بہت روشن کمرے میں جانا، کیونکہ اس سے اکثر چکر آنا شروع ہو سکتے ہیں۔
• شراب نوشی کو محدود کریں، نیز بعض تفریحی ادویات جیسے بھنگ یا ایکسٹیسی کا استعمال بھی نہایت محدود کر دیں، یہ آپ کے توازن کو براہ راست متاثر کر سکتی ہیں۔

اگر آپ کو توازن کے شدید مسائل لاحق ہوں، تو آپ کو اپنے ہیلتھ پروفیشنل سے اس بارے میں بات کرنے کی ضرورت ہو سکتی ہے کہ آیا آپ کے لیے گاڑی چلانا یا دوسری بھاری مشینری وغیرہ چلانا محفوظ ہے۔

سہارے اور معاونتیں

جسمانی سہاروں کی بہت سی قسمیں ہیں جن کا استعمال آپ توازن کی دشواریوں میں کم کرنے کے لیے کر سکتے ہیں: مثلاً ہینڈریلز، واکنگ اسٹکس یا چھڑی، واکنگ فریم، آپ کو نہانے سے باہر نکلنے میں مدد دینے کے لیے ہینڈل یا شاور سیٹیں تاکہ آپ کو کھڑا نہ ہونا پڑے۔

فرنیچر کی بھی ایسی قسمیں دستیاب ہیں جن کا آپ اپنی آسانی کے لیے انتخاب کر سکتے ہیں، جب کہ یہ ضروری نہیں کہ وہ “معذوری کے سہارے” کے طور پر بنائے گئے ہوں مگر یہ آپ کے توازن کو آسان بنا سکتے ہیں، خاص طور پر اٹھتے وقت۔ بازوؤں والی کرسیاں تلاش کریں جن کا استعمال آپ کھڑے ہونے کے دوران خود کو سہارا دینے کے لیے کر سکتے ہیں اور ایسے ڈیسک یا میزیں دیکھیں جن پر آپ آرام سے ٹیک لگا سکتے ہوں۔

آپ اپنے توازن کے مسائل کے لیے اپنے دوستوں اور اہل خانہ سے، بلکہ صحت کے پیشہ وارانہ ماہرین کے ذریعے بھی مدد حاصل کر سکتے ہیں۔ آپ کو پیشہ ورانہ تھراپی یا فزیو تھراپی کے ذریعے بھی مدد مل سکتی ہے تاہم، یہ آپ کے توازن کے مسائل کی وجہ پر منحصر ہے۔